jeudi 12 février 2009

CH' EST NAN !!!

J'ai reçu, en pièce jointe, ce courrier très spontané. J'ai tenté, sans succès, de retrouver son auteur. Si toutefois, il n'acceptait pas cette publication, je la supprimerai.

Monsieur l’ Inspecteur d’ Académie du Pas de Calais.

Je sais bien que vous m’avez core arien demindé , mais j’ ai si kaire printe les devants pour pas que vous saquiez vote nez quand vous vous serez décidé à m’écrire .

J’ imagine que cha vous déminche et que vous vous tortignez comme un vier qui aurot attrapé un cop d’ louchet , in vous demindant si vous n’allez par finir par m’ mette in colère.

Alors que cha seuche clair tout d’ suite intre nous…CH’ EST NAN !!!

NAN…j’ irai pas faire mumuse dins les écoles , l ’ prochain jour d’ grève pour rimplacher les instituteurs qui n’ veulent pas travailler ch’ jour là !.

Min grand-père il a pas été foutu à l’cour de l’ Compagnie des Mines d’ Marles in 48 pour vire sin pitit garchon devenir briseux d’ grèfes , 60 ans après !.

J’vous signale in plus que j’ai travaillé dins les RASED et que vous êtes mate d’ dire que ch’ est des manoqueux qui servent à rien et qu’ in peut les supprimer.

Je m’ vos mal arriver dins les écoles et dire à ches parints d’ élèfes : « Comme j’étos un bon à rien , Monsieur l’ Inspecteur d’ Académie i m’ a demindé d’ vénir m’occuper d’ vous éfants ! » . Sauf vote respect , ch’ est pas mi qui va passer pour eune andoule et vous allez finir par vous faire moquer d’ vous !.

J’ va donc rester à m’ maison ch’ jour là , pour faire faire les devoirs à mes deux petits garchons. I n’ n’ a un au CP et l’ aute au CE1 …normalemint j’ devros y arriver !

J’ voulos vous dire aussi d’ pas trop compter sur m’ femme non pus . Comme o l’ savez suremint, alle a fait l’ école toute s’ vie à des petites sections d’ école maternelle , et comme i dit vote minisse , alle est jusse bonne à canger des couches …ch’est donc cha qu’ alle va faire avec nou pétite file qui vient d’avoir ses 6 mos …….comme i dijot un de vos collaborateurs… « I faut optimiser la valorisation des compétences »

Voilà Monsieur l’ Inspecteur d’ Académie chu que j’avos à vous dire . J’espère que j’ vous ai pas trop contrarié mais au moins, vous aurez gagné un timpe .

Veuillez archuvoir Monsieur l’ Inspecteur d’ Académie , l’espression de min profond respect et tous mes incouragemints pasque j’cros que vous n’allez pas l’ l’ avoir à belle dins les mos qui vont suife.

Bertrand Cocq , pinsionné inscrit sur le grand livre de la dette publique.


KFOU
envoyé par FredCafougnette



4 commentaires:

  1. bien raison de ne pas se laisser faire et on va bientot nous enlever le droit de grève!!!!!

    RépondreSupprimer
  2. Ben, oui, puisque... "quand il y une grève en France, personne ne s'en aperçoit".

    RépondreSupprimer
  3. une seule solution, passer le permis tracteur. quand les agriculteurs décident de manifester, on les écoute, le tracteur étant le seul véhicule que personne n'arrétera quand il décide rentrer dans un ministère.

    RépondreSupprimer
  4. Fichtre !!! T'as sûrement raison Cha !!!

    RépondreSupprimer